Zubir: “Ümid edirəm ki, gələn həftə bəxtimiz daha çox gətirəcək”

“Qarabağ”ın kapitanı Abdullah Zubir UEFA Çempionlar Liqasının III təsnifat mərhələsində Bakıda "Ludoqorets"ə 1:2 hesabı ilə uduzduqları oyundan sonra jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- Oyunla bağlı fikirləriniz nə deyə bilərsiniz?

- Çox səbirli oyun oldu. Biz bunu gözləyirdik, hazırlaşırdıq. İnanıram ki, bizim pley-offa vəsiqə qazanmaq şansımız var. Əlimizdən gələni edəcəyik ki, cavab matçında daha yaxşı nəticə qazanaq.

- Sizə elə gəlmir ki, “Qarabağ”ın bəxti gətirmədi?

- Bu, futboldur, bunu qəbul etməliyik. Ümid edirəm ki, gələn həftə bəxtimiz daha çox gətirəcək. Yaratdığımız şanslardan daha çox yararlanacağıq və bu, mərhələ adlamaq üçün kifayət edəcək.

- Qurban Qurbanov mətbuat konfrasında bildirdi ki, hakimin rəqibə simpatasiyası hiss olunurdu. Siz bunu meydanda hiss etdiniz?

- Mən hakimlərin qərarlarını şərh etməyi sevmirəm. Deyərdim ki, bizə çox “yüngül” sarı vərəqələr göstərirdi. Rəqibə qarşı isə belə deyildi. Halbuki onlara da vərəqələr verə bilərdi.

- Səfərdə minimal hesablı qələbə oyunu əlavə vaxta və penaltilər seriyasına apara bilər. “Qarabağ” buna fiziki baxımdan hazırdır?

- İlk hədəf oyunun taleyini 90 dəqiqə həll etməkdir. Sözsüz ki, lazım olsa, biz əlavə vaxta da, penaltilər seriyasına da hazır olacağıq.

- Yəni “Ludoqorets”ə qalib gəlmək mümkündür? Bakıdakı oyun bunu göstərdi?

- Biz öz gücümüzə inanırıq. Bilirik ki, “Ludoqoretsi” keçə bilərik. Bu rəqiblə oynamaq və ona qalib gəlmək olar.

Gövhər Nəzərova