Arif Əsədov: "U-19-u yenidən çalışdırmağım mümkündür"

"Yox, U-19-dan uzaqlaşdırıldığımı söyləmək olmaz. Sadəcə olaraq, Qranatkin turnirinə yığmanı Nikolay Adam hazırlayacaq". Futbolxeber.az saytına verdiyi açıqlamada bu sözləri U-19-la vidalaşdığı deyilən Arif Əsədov söyləyib.

Təcrübəli mütəxəssis hələ ki məsələnin tam dəqiqləşmədiyini bildirib: "Bildiyiniz kimi, qarşıdan Qaranatkinin xatirəsinə həsr olunmuş turnir gəlir. U-19-da da hazırda futbolçular dəyişib. Yeni futbolçuların çoxunu isə biz yaxşı tanımırıq. Həmin oyunçular U-17-də Adamın rəhbərliyi altında çıxış ediblər. Bu səbəbdən də AFFA rəhbərliyi qərara aldı ki, qarşıdakı turnirə komandanı Nikolay 0Adam hazırlasın. Mənim U-19-u yenidən çalışdırmağım mümkündür. Hər şeyə yanvar ayında aydınlıq gələcək".