Qriqorçuk: “Şeydayev komandamız üçün əla transferdir”

“Neftçi”nin baş məşqçisi Roman Qriqorçuk Ramil Şeydayevin transferinə münasibət bildirib.

Futbolxeber.az-ın məlumatına görə, ukraynalı mütəxəssis klubun saytına açıqlamasında bu keçidin komanda üçün əla transfer olduğunu deyib:

“Mən çox şadam ki, Ramil bizimlədir. Bu futbolçunu çox sevirəm. Ona hörmət edirəm, dəyər verirəm. Əminəm ki, Ramilin “Neftçi”yə çox köməyi dəyəcək. O, gözəl futbolçudur. Düşünürəm ki, bu, komandamız üçün əla transferdir”.