4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

“Qəbələ” akademiyasının yay seçimlərinin birinci mərhələsi başa çatıb

“Qəbələ” Futbol Akademiyasının aşağı yaş qruplarına yay seçimlərinin birinci mərhələsi başa çatıb.
 
Futbolxeber.az saytına klubun mətbuat xidmətindən verilən məlumata görə, Qəbələ şəhər stadionunda təşkil olunan seçimlərdə 2009-2013-cü il təvəllüdlü futbolçular iştirak ediblər.
 
Seçimlərə ümumilikdə 500-dən artıq futbolçu qatılıb.
 
Akademiyanın məşqçiləri bütün Azərbaycanı əhatə edən seçimlərdə Bakı, Gəncə, Sumqayıt, İmişli, Göyçay, Ucar, Yevlax, Qax, Zaqatala və digər bölgələrdən olan oyunçuları sınaqdan keçiriblər. Seçimlərdə xüsusi fərqlənən üç futbolçu ilə birbaşa müqavilə imzalanıb. 40-a yaxın oyunçu növbəti mərhələyə dəvət olunub.
 
“Qəbələ” Futbol Akademiyasının koordinatoru Famil Xəlilov klubun saytına açıqlamasında seçimlərdən razı qaldığını bildirib: “Son illərlə müqayisədə bu dəfə iştirakçı sayında artım müşahidə olundu. Akademiya yaranandan indiyə qədər nadir hallarda seçimlərin bütün günü əhatə etdiyinə şahid olmuşuq. Adətən seçimlər günün ilk yarısında başa çatırdısa, bu dəfə iştirakçı sayının çox olması səbəbindən daha uzun müddət sürdü. Üç meydançada paralel oyunlar təşkil olundu. Seçimlərə maraq böyük idi, xüsusilə də bölgələrdən. Heç kimin diqqətini cəlb etməyən, rayon UGİM-lərində istedadların olması sevindirici məqamdır. Onların məşqçiləri ilə də görüşdük, belə şəraitdə futbolçu yetişdirdikləri üçün hədiyyələr verib, təşəkkür etdik. Məşqçilər heyətimizin üzvləri seçimlərdəki hər iştirakçıya diqqət yetirdik, heç kim narazı qalmadı. Seçilməyən oyunçuları növbəti seçimlərə çağırdıq, ruhdan düşməməyi tövsiyə etdik, yenidən seçimlərə qatıla biləcəklərini dedik. Özünü göstərə bilməyən elə oyunçular olur ki, növbəti seçimlərdə çox irəliləyiş hiss edilir”.







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30