"Simurq"dan asan qələbə

Milli komandamızın beynəlxalq yoldaşlıq görüşləri ilə əlaqədar Azərbaycan Premyer Liqasında yaranmış fasilədən istifadə edən "Simurq", hazırlıqlarını doğma arenada davam etdirir. Futbolxeber.az-ın məlumatına görə, növbəti turda "Sumqayıt"ın qonağı olacaq "Simurq" dünən əvəzedici heyətlə ikitərəfli oyun keçirib və görüşdən 3:0 hesabı ilə qalib ayrılıb. Stadionda görülən işlərə baxmaq üçün Zaqatalaya təşrif buyuran klub prezidenti Anar Bəkirovda əsas və əvəzedici heyətlər arasındakı qarşılaşmanı izləyib. Həmçinin icraçı direktor Vaqif Əliyev də oyuna tamaşa edib. İstirahətdən sonra gündə yetimələrinə iki məşq keçən məşqçilər korpusu, bu gündən hazırlıqları bir məşqə keçirməyi planlaşdırır. Hazırda heyətdə zədəli və cəzalı futbolçuların olmaması, onları "Sumqayıt"la oyunöncəsi sevindirən amillərdəndir.

Qeyd edək ki. "Sumqayıt" - "Simurq" oyunu noyabrın 22-də, saat 17:00-da start götürəcək. Qarşılaşma Mehdi Hüseynzadə adına Sumqayıt şəhər stadionunda keçiriləcək.