"Bakı" "Lans"a uduzdu

"Bakı"nın U-15 komandasının Fransada keçirdiyi təlim-məşq toplantısı davam edir. Futbolxeber.az-ın məlumatına görə, dünən Parisə səyahət edən gənc futbolçularımız paytaxtın tarixi güşələrini gəzərək, ətraflı ekskursiya proqramı çərçivəsində Eyfel qülləsinə qalxaraq, şəhərə quş uçuşu gözü ilə baxıblar. Sena çayını qayıqla keçən futbolçular şəhər bulvarını dolaşdıqdan sonra Monmartrı ziyarət ediblər. Bir günlük paytaxt gəzintisindən sonra Lansa qayıdan futbolçular klub prezidenti Jerve Martellə görüşüblər. Cənab Martel azərbaycanlı qonaqları salamlayaraq, onlara gələcək fəaliyyətinlərində uğurlar arzulayıb. Ardından komandamız sayca ikinci yoxlama oyununa çıxıb. "Lans"lı həmyaşıdları ilə qarşı-qarşıya gələn U-15 komandası maraqlı keçən oyunda 0:4 hesabı ilə məğlub olub. U-15 komandasının təlim-məşq toplantısı daha 1 həftə davam edəcək.