Azərbaycan Premyer Liqasında 2023/24 mövsümünə yekun vuruldu

Azərbaycan Premyer Liqasında 2023/24 mövsümünə yekun vurulub.

Fubtolxeber.az saytının məlumatına görə, son oyun günündə 2 matç keçirilib.

Əvvəlcə Qərb derbisi oynanılıb. "Turan Tovuz" "Kəpəz"ə 1:0 hesabı ilə qalib gəlib.

Digər matçda 9-cu yerdəki "Araz-Naxçıvan" mövsümün qalibi "Qarabağ"la qarşılaşıb və 2:2 hesablı bərabərə qalıb. 

Qeyd edək ki, Premyer Liqanın cari mövsümünün 2-cisi "Zirə" olub. "Sabah" 3-cü, "Sumqayıt" isə 4-cü yeri tutub.

Beləliklə, yeni mövsüm Azərbaycanı Avropa kuboklarında “Qarabağ” (Çempionlar Liqası), “Zirə” (Avropa Liqası, kubokun finalının nəticəsindən asılı olmayaraq), “Sabah” və “Sumqayıt” (hər ikisi Konfrans Liqası) təmsil edəcəklər.

Azərbaycan Premyer Liqası

XXXVI tur

26 may (bazar)

“Araz-Naxçıvan” - “Qarabağ”  - 2:2

Qollar: Elvis Maşike, 4 (1:0), Olavio Juninyo, 27 (1:1), Vadim Abdullayev, 32-avtoqol (1:2), Abdulla Rzayev, 58 (2:2)

Qaçırılan penalti: Adami Diakabi, 74 (“Qarabağ”)

“Azersun Arena”

 “Turan Tovuz” - “Kəpəz” - 1:0

Qol: Otto Con, 74

Qaçırılan penalti: Paçu, 25 (“Turan Tovuz”)
Tovuz şəhər stadionu

25 may (şənbə)

“Zirə” - “Səbail” - 1:0

“Neftçi” - “Sabah” - 0:1

“Sumqayıt” - “Qəbələ” - 1:0

Bombardirlər: Olavio Juninyo ("Qarabağ") - 20 qol, Aleksandr Ramalinqom ("Səbail") - 15 qol, Yassin Benzia ("Qarabağ"), Nəriman Axundzadə ("Qarabağ") - 12 qol