20 Iyun 2024, Cümə axşamı
Millimiz FİFA reytinqində irəlilədi
“Avro-2024: Futbolxeber.az-la qazan!”
"Qarabağ"ın ÇL-dəki rəqibi müəyyənləşdi
"Şamaxı"da fransalı yarımmüdafiəçi

Ölkə futbolu

Ata Caber: “Neftçi”də çıxış etmək mənə xoşdur, amma...”

“Neftçi”nin yarımmüdafiəçisi Ata Caberin Futbolxeber.az saytına müsahibəsi

 

- “Səbail” üzərində qazanıla 3:0 hesablı qələbəni necə şərh edərdiniz?

- İlk hissədə rəqib tərəfindən ciddi təzyiqlə üzləşdik. Bir qədər çətin oldu. İkinci hissədə özümüzə gəlib daha yaxşı oynadıq. Ard-arda qolları vuraraq işimizi xeyli asanlaşdırdıq. Bugünkü qələbə bizim üçün olduqca vacib idi. Hədəfimizə doğru irəliləyirik.

- Bu qələbədən sonra sona 1 tur qalmış avrokuboklara yollanmaq şansını necə dəyərləndirirsiniz?

- Əlbəttə, hədəfimiz yalnız bu istiqamətdə qurulub. Addım-addım irəliləyirik. Qələbələr bizə daha çox ruh yüksəkliyi verir. "Sabah"a qarşı Premyer Liqanın son tur öncəsi belə bir qalibiyyət komandada əlavə motivasiyaya zəmin yaradır. Amma son turda da ciddi hazırlaşıb 3 xalı qazanmaq istəyirik.

- “Səbail”lə matçda fərqlənməyiniz "Neftçi"nin əsas heyətində olan yerinizi sizə qaytara bilər?

- Qol vurmaq önəmli amildir, amma qələbə qazanmaq bundan da vacibdir. Komanda lazım olan 3 xalı bu gün əldə etdik. Növbəti matçda oynayıb-oynamayacağımı buna əsasən deyə bilmərəm. Məşqçi bunu hamıdan yaxşı bilir və görür. Qərar da ona məxsusdur. Əsas olan çempionatı 2-ci yerdə başa vurmaqdır.

- "Sabah"la matçdan gözləntiləriniz nədir?

- Hər oyun önəmlidir. Sonuncu turdakı matç isə xüsusi əhəmiyyət daşıyır. Qalibiyyətə fokuslanmalı və ciddi şəkidlə həmin oyuna hazırlaşmalıyıq. Qələbə əsas hədəfdir.

- "Neftçi"də növbəti mövsüm hədəfləriniz və gələcəyiniz barədə nə düşünürsünüz? Komandada qalmaq istəyirsiniz?

- Hazırda yalnız məni maraqlandıran amil Premyer Liqanın son turunda qələbə qazanmağımızdır. Həmin qarşılaşmadan sonra milli komanda ilə 2 oyuna çıxacağam. Mövsüm tamamilə başa çatdıqdan sonra gələcəyim barədə arxayın şəkildə qərar verə biləcəm. "Neftçi"də çıxış etmək mənə xoşdur. Amma gələcək barədə dəqiq bir söz deyə bilmərəm.

Azad NURİYEV

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30