Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”

“Neftçi”nin idman direktoru Yens Andersson “Forza Neftçi”nin “ağ-qaralar”ın əsas komandasının oyunlarını boykot etməsinə münasibət bildirib.

Futbolxeber.az saytının məlumatına görə, isveçli funksioner bu barədə suala belə cavablandırıb:

“Böyük azarkeş kütləsi olan klublarla iş təcrübəm olub. Azarkeşləri çox olan klublarda çalışmağı sevirəm. Təcrübə etmişəm ki, kluba olan azarkeşlik bəzən qəzəbə, bəzən narazılığa da çevrilə bilər. Bunu çox yaxşı anlayıram və böyük hörmətlə yanaşıram. Amma şəxsi fikrim belədir ki, boykot narazılığı ifadə etmək üçün ən yaxşı üsul deyil. Çünki klubu sevirsinizsə, həm yaxşı, həm də pis zamanlarda klubun yanında olmaq lazımdır. Bura gələndə, "Neftçi"nin oyunlarında atmosferi görəndə, müsbət mənada çox təəccüblənmişdim. Özüm də görürəm ki, oyunçular stadiondakı həmin atmosfer üçün darıxırlar. İnanıram ki, azarkeşlərimiz geri qayıdacaqlar. İstəyərək ki, onlar stadionda görək. "Zirə" ilə görüşdə onların dəstəyini görmək istəyərdik. Klub uğur əldə etmək istəyirsə, birlik olmaq lazımdır. Bütün azarkeşlərimizin sabahkı oyunda stadionda olmasını istəyərdim”.