“Bojoviçin komandada qalıb-qalmaması mənim fikrimdən asılı olacaq”

Miodraq Bojoviçin yeni mövsümdə “Neftçi”də qalıb-qalmayacağı idman direktoru Yens Anderssonun fikrindən asılı olacaq.  

Futbolxeber.az saytının məlumatına görə, bu gün “Neftçi Arena”da keçirilən mətbuat konfransı keçirən isveçli funksioner bu barədə suala qısaca olaraq “Bəli” cavabını verib.  

Bundan başqa, Andersson qeyd edib ki, Miodraq Bojoviç baş məşqçi vəzifəsinə gətirilərkən onun fikri öyrənilib:

“Hər həftə qiymətləndirmə aparıram. Pis təcrübə var ki, qərar o zaman verilir ki, artıq qərar verilməlidir. Biz isə işimizi öncədən görürük, qiymətləndirmə aparırıq. Hazırda mövsümün sonuna 6 tur qalıb. Bunun nəticəsində baş məşqçinin işini qiymətləndirəcəyik”.