18 May 2024, Şənbə
XXXV turun hakim təyinatları
“Şamaxı” zirvəyə yüksəldi
Mirzov "Neftçi"dən ayrılır?
Mövsümün ən yaxşıları müəyyənləşdi

Ölkə futbolu

Kadi illik 1,2 milyon avro maaşa “Qarabağ”a qayıdır?

Rusiya mətbuatında “Krasnodar”ın futbolçusu Kadi Borgesin “Qarabağ”a qayıtmaq istədiyinə dair yeni xəbərlər yayılıb.

Futbolxeber.az saytının məlumatına görə, “RB Sport” Ağdam klubunun braziliyalı futbolçuya illik 1,2 milyon avro maaş ödəməyə hazır olduğunu iddia edib.

Məlumata görə, Kadi avrokuboklarda oynamaq üçün “Krasnodar”dan getməyə hazırdır. Onun yeni mövsümdə sabiq komandası “Qarabağ”la Çempionlar Liqasında oynamaq istədiyi də bildirilir.

O da qeyd edilib ki, bu məqsədlə braziliyalı futbolçu “Qarabağ”da “Krasnodar”la müqayisədə daha az pula oynamağa hazırdır. Onun hazırda Rusiyada ilinə 1,7 milyon avro gəlir əldə etdiyi bildirilir. Bununla belə, 1,2 milyon avro mümkün illik maaş isə “Qarabağ”da futbolçular arasında rekord gəlir olacaq.

Kadi Borgesin agenti Helsio Roberto bugünlərdə verdiyi açıqlamada braziliyalı oyunçunun "Qarabağ"a qayıda biləcəyi ilə bağlı yayılan xəbərlərə münasibət bildirib.

O, futbolçunun Rusiya klubundan ayrılmaq fikrində olmadığını deyib: “Bu barədə deyəcək bir sözüm yoxdur. Kadi "Krasnodar"da hər şeydən razıdır”

Hələlik bu xəbərlərə “Qarabağ”dan münasibət bildirilməyib.

Qeyd edək ki, Ukrayna müharibəsi ilə əlaqədar Rusiya klubları 2022-ci ilin fevralından avrokuboklardan uzaqlaşdırılıb və bu qərarın hələ uzun müddət qüvvədə qalacağı gözlənilir.

Kadi Borges 2023-cü ilin yanvarında “Qarabağ”dan ayrılaraq “Krasnodar”a keçib. Onun ruslarla 2026-cı ilin yayına kimi müqaviləsi var (qol.az).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31