“Sumqayıt” “Neftçi” önünə ciddi itkilərlə çıxacaq

“Sumqayıt” bu gün Azərbaycan Premyer Liqasının 29-cu turu çərçivəsində “Neftçi”yə qarşı keçiriləcək matça ciddi itkilərlə çıxacaq.

Futbolxeber.az saytının məlumatına görə, “Gənclik şəhəri” təmsilçisinin iki aparıcı üzvü - Oktavio Manteka və Masaki Murata bugünkü görüşdə iştirak edə bilməyəcəklər. Hər iki futbolçu ötən tur “Araz-Naxçıvan”la görüşdə mövsümdə 4-cü sarı vərəqəni almaqla cəzalı duruma düşüblər.

Qeyd edək ki, bu gün keçiriləcək “Neftçi” - “Sumqayıt” qarşılaşması saat 20:00-da başlayacaq.