"Bakı" Fransada 4 yoxlama oyunu keçirəcək

"Bakı” Futbol Klubu Madrid “Atletiko”su ilə yanaşı, “Lans”la işbirliyini də davam etdirir. Futbolxeber.az-ın məlumatına görə, bir müddət əvvəl 5 yeniyetmə futbolçusunu təlim-tədris üçün “Atletiko”nun futbol akademiyasına yollayan "Bakı"nın artıq U-15 komandası da Fransaya çatıb. Dünən kollektiv üzvləri “Lans”ın bazası ilə tanış olublar. Həmçinin onlar Fransada qeyd edilən “Armistice” bayramına qatılıblar. Axşam saatlarında “Lans”ın “La Qaillette” bazasında məşq edən “Bakı”nın yetirmələri bu gün yoxlama görüşü keçirəcək. "Bakı"ya rəhbərlik “sarı-qırmızılar”ın Uşaq Futbol Akademiyasının məşqçisi Arsene Herveyə tapşırılıb. "Bakı”nın daha 3 yoxlama matçında meydana çıxması gözlənilir.