25 Aprel 2024, Cümə axşamı
Bojoviç: “...gözləmək lazımdır”
"Zirə" və "Qarabağ" finalda
Rəşad Sadıqovdan qələbə şərhi
Zubir Liqa 1 klubunun hədəfində

Ölkə futbolu

Otto Con: “Turan Tovuz” istəsə, komandada qalacam"

“Turan Tovuz”un hücumçusu Otto Conun Futbolxeber.az saytına müsahibəsi

 

- Azərbaycan Premyer Liqasının 28-ci turunda səfərdə “Səbail”lə heç-heçə (1:1) etdiniz. Qazanılan bir xalı necə dəyərləndirirsiniz?

- Çətin oyun keçdi. Biz meydana qələbə üçün çıxmışdıq. Rəqib də həmçinin. Turnir cədvəlindəki vəziyyətə görə hər iki tərəf 3 xal qazanmağı hədəfləyirdi. Bilirdik ki, bu matçda qələbənin əhəmiyyəti böyükdür. Komanda bütün gücünü meydanda qoydu. Təəssüf ki, qələbə qazana bilmədik. Lakin səfərdə 1 xal qazanmaq da pis nəticə deyil.

- Fasiləyə saniyələr qalmış bərabərliyə nail olsanız da, ikinci hissədə bunun ardı gəlmədi. Qələbə qolunu vurmaq üçün nə çatışmadı?

- Fərqlənmək üçün şanslarımız olsa da, onlardan yararlana bilmədik. İkinci hissədə topa nəzarət edən tərəf biz idik. Ümumi götürdükdə, pis oynamadıq. Yeganə çatışmayan cəhət kimi məhz qələbə qolunu vura bilməməyimizi qeyd edərdim.

- Sona 8 tur qalmış “Turan Tovuz” üçün avrokubok perspektivi necə görünür?

- Addım-addım irəliləyirik. Bizim şansımız var, fürsət yararlanacaqsa, bundan istifadə etməyə çalışacağıq. Lakin bu, heç də asan olmayacaq.

- Növbəti turda “Sabah”la qarşılaşacaqsınız...

- Həmin matçda bütün gücümüzü meydanda qoymalıyıq. “Sabah” çox ciddi rəqibdir. Doğma azarkeşlərimiz önündə oynayacağıq. Onları sevindirmək üçün əlimizdən gələni edəcəyik.

- Azərbaycan Premyer Liqasında ilk mövsümünüzü keçirirsiniz. Çempionatın səviyyəsi sizi qane edir?

- Liqanın səviyyəsi yaxşıdır. Yüksək səviyyəli komandalar, futbolçular var. Əksər komandaların gücü bir-birindən çox da fərqlənmir.

- Bildiyimiz qədər “Turan Tovuz”la müqaviləniz mövsümün sonunda başa çatır. Sizi yeni mövsümdə də komandada görə biləcəyik?

- Müqaviləm mayda bitir, düzdür. Lakin sözləşmə müddəti “1+1 il”dir. Yəni tərəflər istəsə, müddət daha bir il artırıla bilər. Hər şeyə mövsümün sonunda aydınlıq gələcək.

- Siz özünüz necə, komandada qalmaq istəyirsiniz?

- Bəli. “Turan Tovuz” istəsə, komandada qalacam.

- Tovuzlu azarkeşlərlə münasibətiniz necədir?

- Əla. Komandamızın çox yaxşı fanatları var. Onlar bizə möhtəşəm dəstək verirlər və bu, bizim üçün çox vacibdir. Təkcə ev deyil, səfər matçlarında da bizi tək qoymurlar. Bu isə hər futbolçu üçün çox xoşdur.

İbrahim CƏFƏROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30