18 May 2024, Şənbə
XXXV turun hakim təyinatları
“Şamaxı” zirvəyə yüksəldi
Mirzov "Neftçi"dən ayrılır?
Mövsümün ən yaxşıları müəyyənləşdi

Ölkə futbolu

AFFA prezidentliyi ilə bağlı son durum - hər şey böhran vəziyyətinə doğru?

İCRAİYYƏ KOMİTƏSİNƏ NAMİZƏDLƏRİN ADLARI ƏN GEC SABAH AÇIQLANMALIDIR

Martın 1-də Gəncədə keçirilən AFFA İcraiyyə Komitəsinin iclasında növbəti Hesabat-Seçki Konfransının 2 aprel tarixinə təyin edilməsi barədə qərar qəbul olunub. Gəncədə baş tutan iclasda Rövnəq Abdullayev yenidən AFFA prezidentliyinə namizəd olmayacağını açıqladı. Bu isə o deməkdir ki, aprelin 2-də yeni AFFA prezidenti, eləcə də İcraiyyə Komitəsinin üzvləri seçilməlidir. Lakin seçkiyə 11 gün qalsa da, hələlik konkret namizəd yoxdur. Nə AFFA prezidentliyinə, nə də İcraiyyə Komitəsinə. Mətbuatda, sosial şəbəkələrdə müxtəlif adlar çəkilsə də, seçkiyə 11 gün qalmış heç bir şəxsin rəsmən namizəd olması barədə ictimaiyyətə açıqlama verilməyib.

Futbolxeber.az saytının araşdırmasına görə, İcraiyyə Komitəsinə namizədlərin adları ən geci sabah müəyyənləşməlidir. Belə ki, nizamnamənin 34-cü maddəsinin 4-cü bəndində deyilir: “İcraiyyə Komitəsinə namizədlər AFFA üzvləri tərəfindən yalnız birbaşa üzvlər vasitəsilə Konfransın keçirilmə tarixindən ən azı 10 gün əvvəl təklif olunmalıdır”. “Ən azı 10 gün” müddəti isə sabah bitir.  

Qeyd edək ki, İcraiyyə Komitəsi 13 üzvdən təşkil olunur:

a) Prezident;

b) İcraçı vitse-prezident;

c) vitse-prezident;

ç) vitse-prezident;

d) vitse-prezident;

e) 8 üzv.

Eləcə də İcraiyyə Komitəsinin üzvləri AFFA-nın üzv təşkilatlarının kateqoriyalarını aşağıdakı kimi təmsil edirlər:

a) Regional Futbol Federasiyaları: 3 üzv;

b) Sahə Futbol Federasiyaları: 2 üzv;

c) İctimai Futbol Təşkilatları: 2 üzv;

ç) PFL: 5 üzv.

Qəribədir ki, 2020-ci ildə təsdiq edilmiş Nizamnamədə İcraiyyə Komitəsinə namizədlərdən fərqli olaraq prezident seçkisi ilə bağlı boşluqlar var. Birincisi, namizədin neçə gün əvvəldən açıqlanmalı olduğu qeyd olunmayıb. Halbuki əvvəlki nizamnamədə bu müddət 15 gün idi.

Bu günə qədər AFFA prezidentliyinə heç bir namizədin adı açıqlanmayıb. Maraqlıdır, AFFA prezidentliyinə heç kim namizədliyini irəli sürməsə, necə olacaq? Qəribədir ki, bu barədə də nizamnamədə heç bir bənd yoxdur. Bu isə o deməkdir ki, belə bir hal yaşansa, heç kim AFFA prezidentliyinə namizəd olmasa, böhran vəziyyəti yaşanacaq. Böhran vəziyyətində isə məntiqlə AFFA prezidentini icraçı vitse-prezident əvəzləməlidir. Lakin Elxan Məmmədovun FİFA-da fəaliyyətə başlamasından sonra AFFA-nın icraçı vitse-prezidenti vəzifəsi də boşdur. Belədə ümid qalır İcraiyyə Komitəsinə. Adətən bu cür hallarda prezident seçilənə kimi onun səlahiyyətlərini İcraiyyə Komitəsinin ən təcrübəli üzvü icra edir. İndiki məqamda isə bu, 2003-cü ildən AFFA-nın vitse-prezidenti olan Elşad Nəsirovdur.

Xatırladaq ki, E.Nəsirov daha əvvəl 1 dəfə - 2007-ci ildə Ramiz Mirzəyevin vəfatından sonra təxminən 6 ay müddətində - yeni prezidenti seçilənə qədər AFFA prezidentinin səlahiyyətərini yerinə yetirib.   

Futbolxeber.az

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31