“Səbail”in müdafiəçisi: “Qarabağ”a keçmədiyim üçün peşman deyiləm”

“Portuqaliyada çıxış etdiyim zaman “Qarabağ”a keçə bilərdim. Menecerim belə bir variant olduğunu söylədi. Sonrada keçid baş tutmadı. Lakin niyə baş tutmadığı da yadımda deyil”.

Futbolxeber.az saytına müsahibəsində bu sözləri “Səbail”in müdafiəçisi Adi Mehremiç deyib.

Bosniya və Herseqovinadan olan futbolçu bildirib ki, həmin vaxt Ağdam klubuna keçmədiyi üçün peşman deyil: “Qarabağ” bu dəqiqə elə bir səviyyədədir ki, hamı ora gələr. Amma “Səbail”də vəziyyət əladır. Bu klubda məni hər şey tam qane edir. Ona görə də hər hansı peşmançılığım yoxdur”.