Pantiç: "Artıq buna qarşı heç nə edə bilmirik"

"İlk dövrədə “Neftçi”ni yalnız biz məğlub edə bilmişik (3:0). Buna rəğmən, rəqib yaxşı təşkilatlana bilir". Futbolxeber.az-ın məlumatına görə, bu sözləri "Bakı"nın baş məşqçisi Milinko Pantiç deyib. Klubun rəsmi saytına danışan M.Pantiç çəkindiyi məqamı da açıqlayıb: "Həmin qələbə göstərdi ki, komanda istək olanda məqsədinə çata bilir. Çəkindiyim məqam yalnız bəzi halları idarə edə bilməməyimlə bağlıdı. Artıq buna qarşı heç nə edə bilmirik. “Neftçi”yə yeni baş məşqçi gəlib. Ancaq heç kim bir komandanı 5-10 günə tam dəyişdirə bilmir. İdeyam odu ki, mən rəqib yox, “Bakı” haqda düşünürəm. Nə problemləri varsa, özləri həll edir. Rəqibə hörmət, məqsəd qələbə! Bu amalla meydana çıxacağıq”.