"Bizim öz hesablarımız var idi"

”Qarabağ” bu oyunun favoriti olsa da, bizim öz hesablarımız var idi". Futbolxeber.az-ın məlumatına görə, bu sözləri "Qarabağ"la oyundan sonra AZAL-ın baş məşqçisi Vaqif Sadıqov deyib. Təcrübəli mütəxəssis heyətdə itkilər olduğunu qeyd edib: "Rəqib komanda oyunçularının fərdi ustalıq səviyyəsi bizimkilərdən daha üstündür. Sonda bu üstünlük qapımıza qolla nəticələndi. 8 oyundur ki, qalib gələ bilmirik, lakin komandam hər bir oyunda sonadək mübarizə aparır. Bir neçə əsas oyunçumuzun xidmətindən istifadə edə bilmədik. “Qarabağ” kimi komandaya qarşı yaxın oynamalıyıq, başqa cür oynamaq olmaz”.