"Neftçi"nin sabiq məşqçisi: "Məşq vaxtı Böyükağa Hacıyev heç bazada tapılmırdı"

"Neftçi"nin sabiq məşqçisi Kamal Quliyev Tərlan Əhmədovun klubun keçmiş baş məşqçi, hazırki müşavir Böyükağa Hacıyevin onun işinə qarışması ilə bağlı səsləndirdiyi fikirlərə münasibət bildirib. Futbolxeber.az saytına verdiyi açıqlamada Quliyev bu cür hala şahid olmadığını qeyd edib: "Tərlan Əhmədovla Böyükağa Hacıyevin arasında hansı söz-söhbətlərin olduğunu deyə bilmərəm. Adətən bu cür söhbətlər təklikdə olur. Komandanın məşqçisi kimi mən bu cür hala, hansısa söz-söhbətə şahid olmamışam. Bu məsələdən xəbərsizəm. Amma gördüklərimə əsasən deyə bilərəm ki, komandaya bütün məşqləri Tərlan Əhmədov özü keçirdi. Məşq vaxtı Böyükağa Hacıyev heç bazada tapılmırdı. Məşq prosesini, planları o bizimlə birgə tərtib edirdi. Yəni, mən Böyükağa Hacıyevin Tərlan Əhmədovun işinə qarışmasını görməmişəm. Bəlkə də aralarında nəsə olub. Amma bu haqda məlumatın yoxdu. Bütün məşqləri də Tərlan Əhmədov özü keçirdi".