“Qarabağ”la Bakıda oynamaq “Barselona” ilə qarşılaşmağa bərabərdir”

“Braqa” üzərində qələbə "Qarabağ" üçün çox vacib idi. Onlar meydanda döyüşdülər və qələbə qazandılar. Sabiq klubumun qələbəsini görmək mənimçün olduqca sevindiricidir”.

Futbolxeber.az saytına açıqlamasında bu sözləri “Neftçi” və “Qarabağ”ın sabiq futbolçusu Donald Gerye Ağdam klubunun UEFA Avropa Liqasının pley-off mərhələsinin ilk matçında “Braqa” üzərində qazandığı 4:2 hesablı qələbəni şərh edərkən deyib.

Haitili futbolçu Ağdam klubunun layiqli qələbə qazandığını bildirib: “Qarabağ”ın 4 qol vurması mənimçün bir qədər gözlənilməz oldu. Oyunun əvvəlində mən bunu təsəvvür belə etməzdim, amma "Braqa"nın göstərdiyi oyunu və "Qarabağ"ın gücü bu hesaba gətirib çıxardı. Ağdam təmsilçisi baxımlı oyun göstərərək layiq olduğu qələbəni göstərdi.

O, komandalar arasındakı cavab matçı barədə də danışıb: “Bu qələbə sayəsində “Qarabağ” növbəti mərhələ şansını xeyli yüksəltmiş oldu. Bakıdakı oyun hər iki tərəf üçün çətin keçəcək. Xüsusilə, "Braqa" Bakıdakı atmosferdən əziyyət çəkə bilər. Bakıya gələn bütün komandalar "Qarabağ"la matçlarda çətin anlar yaşayıb. "Braqa" cavab matçında var gücünü ortaya qoyacaq. da pis cəzalandıra bilər”.

Gerye bildirib ki, rəqiblər üçün Bakıda “Qarabağ”a qarşı oynamaq çətindir: “Qarabağ”la Bakıda oynamaq “Barselona” ilə qarşılaşmağa bərabərdir. Hazırkı gücü ilə "Qarabağ" parlaq nəticələr qazanmağa hazırdır. Qurban Qurbanovun xarakteri, oyunçular psixoloji dəstəyi komandaya əlavə güc qatır. Komandanın səfərdə 4 qol vurması onların yüksək oyun üslubundan xəbər verir”.

O, Ağdam klubunun çıxışından zövq aldığını söyləyib: “Ona görə yox ki, orada oynamışam, ümumilikdə bu komandanın oyununu izləmək insana zövq verir. Vaxtım olduqca, hər bir matçı izləyirəm. “Qarabağ” mənim ailəmdir”.

Azad NURİYEV