Sabiq “Qarabağ”lı: “Braqa” səviyyə baxımından üstün olsa da...”

“İlk növbədə “Qarabağ”a uğurlar arzu edirəm. Bu gün komandanı çox çətin oyun gözləyir”.

Futbolxeber.az saytına müsahibəsində bu sözləri “Qarabağ”ın sabiq üzvü Elvin Məmmədov Ağdam klubunun bu gün səfərdə UEFA Avropa Liqasının pley-off mərhələsi çərçivəsində “Braqa”ya qarşı keçirəcəyi oyun barədə danışarkən deyib.

Veteran yarımmüdafiə bildirib ki, rəqib nə qədər güclü olsa da, “Qarabağ” səfərdən sərfəli nəticə ilə qayıda bilər: “Braqa” səviyyə baxımından üstün olsa da, “Qarabağ” təslim olmayacaq. Əminəm ki, təmsilçimiz bütün gücünü meydanda qoyacaq. Komanda sərfəli nəticə qazanmaq üçün əlindən gələni edəcək”.