Moreno: “İnanıram ki, bu, “Neftçi”də vuracağım qolların başlanğıcıdır”

Brayan Moreno “Neftçi”dəki debütunu şərh edib.

Futbolxeber.az saytının məlumatına görə, Azərbaycan Premyer Liqasının XX turunda “Qəbələ” ilə matçda meydana çıxan kolumbiyalı forvard “Neftçi TV”yə açıqlamasında qazanılan 3 xala görə şad olduğunu bildirib:

“Bilirdik ki, bizi çətin oyun gözləyir. Buna rəğmən, turnir cədvəlindəki mövqeyimizi yaxşılaşdırmaq üçün mütləq qələbə qazanmalıydıq. Çox şadam ki, bunu bacara bildik”.

Moreno debüt matçında “Neftçi”dəki qol hesabını açmasına da toxunub: “Çox sevinirəm ki, debüt matçımda qol vura bildim. İnanıram ki, bu, vuracağım qolların başlanğıcıdır”.