Vüsal İsgəndərli “Boluspor”da debüt etdi

Vüsal İsgəndərli  "Boluspor"da debüt edib.

Futbolxeber.az saytının məlumatına görə, o, Türkiyə 1-ci liqasının 18-ci turunda "Adanaspor"a qarşı səfər matçında iştirak edib. 28 yaşlı oyunçu start heyətdə meydana daxil olub və 82-ci dəqiqədə əvəzlənib. 

30-cu dəqiqədə hesabı açan "Boluspor" 8 dəqiqə sonra azlıqda qalıb. Say üstünlüyündən istifadə edən "Adanaspor" ikinci hissədə məğlubiyyətdən qaçıb - 1:1.

Qeyd edək ki, bu heç-heçədən sonra "Boluspor" 23 xalla 9-cu pillədə qərarlaşıb.

Əlavə edək ki, V.İsgəndərli bu ay "Boluspor"la 1,5 illik müqavilə imzalayıb.