“Zirə”nin hücumçusu “Dnepr-1”in maraq dairəsindədir

Ukrayna çempionatının liderlərindən olan “Dnepr-1” qış transfer pəncərəsi zamanı hücum xəttini gücləndirməyi planlaşdırır.

Futbolxeber.az saytının Ukrayna mətbuatına istinadən verdiyi məlumata görə, dneprlilər “Şaxtyor”un 2 futbolçusu - yarımmüdafiəçi Oleq Oçeretko və hücumçu Boqdan Vyunniklə maraqlanırlar.

“Dnepr-1”in hədəfində olan digər futbolçu isə “Zirə”nin hücumçusu Vladislav Kulaçdır.

Qeyd edək ki, ukraynalı forvardın Azərbaycan klubu ilə müqaviləsi mövsümün sonuna kimidir.

Əlavə edək ki, bir neçə gün əvvəl Ukrayna mətbuatında “Krivbass” və “Metallist 1925”in də Kulaçla maraqlandığı barədə xəbərlər yayılıb.