“Qarabağ”ın qapıçısı: “Rusiya? Bütün təkliflərə açığam”

“Qarabağ”ın qapıçısı Andrey Lunyev gələcək karyerası haqda danışıb.

Futbolxeber.az saytının məlumatına görə, “RB Sport”a müsahibəsində rusiyalı qolkiper Ağdam klubu ilə yeni müqavilə barədə danışıqlar getdiyini söyləyib. Lakin o, klubunu dəyişə biləcəyini də istisna etməyib:

“Gələcək karyeram barədə hazırda “Qarabağ”la danışıqlar gedir. Bununla məşğul olan insanlar var. Mənim işim meydanda nəticə verməkdir. Rusiya Premyer Liqasına qayıtmaq? Prinsipcə, mən bütün təkliflərə açığam. Sadəcə gələcək inkişaf və ailəm üçün ən yaxşı olan variantı seçmək lazımdır”.

Qeyd edək ki, 32 yaşlı qolkiper vətənində “Torpedo”, “İstra”, “Kaluqa”, “Saturn”, “Ufa” və “Zenit”də forma geyib. “Qarabağ”a isə Leverkuzen “Bayer”indən gəlib. Lunyovun “Qarabağ”la müqaviləsi 2024-cü ilin 30 iyununa qədərdir.