Ağabala Ramazanovun son durumu açıqlandı: “Hələ ki futbolla məşğul ola bilməz”

Azərbaycan Premyer Liqasının XII turunda “Turan Tovuz”la keçirilən oyunda huşunu itirən “Səbail”in kapitanı Ağabala Ramazanovun son durumu açıqlanıb.

Futbolxeber.az saytına açıqlamasında paytaxt klubunun baş məşqçisi Şahin Diniyev bildirib ki, hazırda istirahətdə olan 30 yaşlı hücumçu Antalya toplanışında iştirak etməyəcək:

“Ağabalanın sağlamlığı yerindədir, amma hələ ki, fiziki işlə, futbolla məşğul ola bilməz. Ona görə də məşq etmir. Bu baxımdan Antalyaya getməsi də məqsədəuyğun deyil. Ağabala hələ ki, istirahət edir, sağlamlığının bərpa olunması üçün çalışır. Unutmaq olmaz ki, olduqca ağır zədə alıb”.

Azad NURİYEV