"Rusiyada oynamaq istəmədim, ona görə də "Neftçi"yə keçdim"

"Neftçi"nin yarımmüdafiəçisi Reziuan Mirzov Azərbaycan klubuna keçidi haqda növbəti açıqlama verib.

Futbolxeber.az saytının məlumatına görə, o, championat.com-a açıqlamasında deyib.

“Ötən mövsümün sonunda Rusiya Premyer Liqasından ayrılmaq qərarına gəldim. 30 yaşım var. İndi bunu etməsəydim, nə vaxt edəcəkdim? Mənə dəyişiklik lazım idi. Mövsüm bitəndən sonra əvvəlcə evdə, sonra üç həftə Məkkədə qaldım, ardınca bir ay klub axtardım.

Kipr, Yunanıstan, Səudiyyə Ərəbistanı klublarında da təkliflər var idi. Həqiqətən də telefon zəng çalırdı. Rusiyada da ölkə çempionatının cədvəlinin aşağı pillələrində yer alan komandalar da məni transfer etmək istəyirdi. Amma son mövsüm çox ağır və mənfi olduğu üçün ayrılmaq istəyirdim. Mən təkrar Rusiyada oynamaq istəmədim. Ona görə də “Neftçi”yə getməyə qərar verdim. Çünki müqavilə artıq əlimdə və yaxşı variant idi”.

Mirzov 2023-cü ilin sentyabrında azad agent kimi “Ximki”dən “Neftçi”yə keçib. 30 yaşlı futbolçunun klubla müqaviləsi 2024-cü ilin yayına kimi nəzərdə tutulub.