Fransız hücumçu: “Neftçi” ilə oyun mənə çox lazımdır”

“Heç vaxt Bakıda olmamışam. “Neftçi” ilə oyun şəxsən mənə çox lazımdır”.

Futbolxeber.az saytının məlumatına görə, bunu Rusiyanın “Zenit” klubunun futbolçusu Uilson İzidor “Neftçi”yə qarşı keçiriləcək yoxlama görüşü barədə danışarkən deyib.

23 yaşlı fransalı hücumçu oyun praktikası qazanmaq üçün qarşılaşmaya ciddi yanaşdığını bildirib: “Sankt-Peterburqa qayıtdıqdan sonra Rusiya çempionatında qalib gəlmək üçün oyun praktikası qazanmalı, özünəinamı bərpa etməli, qarşıdakı rəsmi görüşlərə hazır olmalıyam. Növbəti matçı hansı komandaya qarşı və necə oynamağımızın heç bir fərqi yoxdur. Rəqibin “Neftçi”, “Zenit”in əvəzedici heyəti olmasının və ya qeyri-rəsmi, yoxsa rəsmi görüş keçirməyimizin önəmi yoxdur. Mən yüz faiz gücümü ortaya qoyacağam. Optimal formamı bərpa etməliyəm. Oyun praktikası artdıqca qollar da gələcək”.

Qeyd edək ki, bu gün keçiriləcək “Neftçi” - “Zenit” görüşü saat 21:00-da başlayacaq.