“Araz-Naxçıvan” fasilə müddətində yoxlama oyunu keçirəcək?

Milli komandaların oyunları ilə əlaqədar çempionatda yaranan fasilə zamanı “Araz-Naxçıvan” yoxlama oyunu keçirməyəcək.

Futbolxeber.az saytına bu barədə Naxçıvan klubunun mətbuat xidmətinin rəhbəri Mahal Məmmədov məlumat verib.

Klub rəsmisi komandanın hazırlığı gündəlik məşqlərlə davam etdirdiyini vurğulayıb:

“Milli komandaların oyunları ilə əlaqədar “Kəpəz”lə matçdan sonra futbolçular 3 günlük istirahətə buraxılmışdı. Artıq 2 gündür komanda məşqləri bərpa edib. Hələ ki, gündə bir məşq olur. Bəzi günlərdə məşqlərin sayı ikiyə çatdırılacaq. Yoldaşlıq oyununun keçirilməsi nəzərdə tutulmayıb”.