15 Iyun 2024, Şənbə
Avro-2024-ün ilk qolu vuruldu
Musa Qurbanlı “Qarabağ”a qayıtdı
Avro-2024: Futbolxeber.az-la qazan!
Davit Volkov yenidən “Zirə”də

Ölkə futbolu

“Çalışırıq ki, yoxdan var edək”

"Çətin oyun oldu. Məğlub olanda hirsli başla düşünmək, nələrisə demək çətin olur. İkinci hissədə daha yaxşı oynadıq. Əgər məğlubiyyətdən düzgün nəticə çıxaracağıqsa, bunun özü də qələbədir".

Futbolxeber.az saytının məlumatına görə, bu sözləri "Araz-Naxçıvan"ın baş məşqçisi Azər Bağırov Azərbaycan Premyer Liqasının 12-ci turunda "Sumqayıt"a 0:2 hesabı ilə uduzduqları matçdan sonra keçirilən mətbuat konfransında deyib.

O bildirib ki, 11 turdan sonra nisbətən zəif oynamaqları normaldır: "Yenə deyirəm, nəticə çıxarmalıyıq. Rotasiya etmək üçün geniş heyətimiz yoxdur. Bunu yerli oyunçular baxımından deyirəm. Legionerlərlə bağlı problem yoxdur. Bu gün azarkeşlər Bayraməlini tanıdı. Orxan Əliyevin səhhətində də problem var idi. Halbuki onu əsas heyətdə meydana buraxmaq istəyirdik. Çalışırıq ki, yoxdan var edək, nəsə düzəldək".

O, avrokubok hədəflərinin olub-olmaması ilə bağlı deyib: “Bu haqda düşünmürük. Bizim işimiz komandanı oyundan oyuna hazırlamaqdır. Qış fasiləsinə kimi maksimum xallar yığmağa çalışacağıq. Bu gün "Araz-Naxçıvan" üst pillələrdədirsə, başımızdan yuxarı tullanmışıq. Bu mövsümün əvvəlində hədəfimiz sırf çempionatda qalmaq deyildi. Realist olmaq lazımdır. Şəraitimiz çoxlarından aşağıdır”.

Mütəxəssis qış fasiləsində transfer etmək istədikləri yerli oyunçuların olduğunu söyləyib: "Var. Amma klubları onları bizə verəcək-verməyəcək, bu sual altındadır. Transfer pəncərəsi zamanı dəvət göndərəcəyik. Müqaviləsi olən oyunçu ilə danışmaq etik deyil, bizə yaraşmır".

A.Bağırov kinorejissor Tahir Tahirovun onu ölkənin bir nömrəli baş məşqçisi hesab etməsinə belə münasibət bildirib: "Tahir müəllim "Qarabağ"la oyundan sonra bir az emosiyalara qapıldı. Bizim sevdiyimiz şəxsdir. Heç kim deyə bilməz ki, Azərbaycanda Qurban Qurbanovdan böyük məşqçi var. Tahir müəllim naxçıvanlıdır, Naxçıvan futbolunu sevir".

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30