“Sumqayıt" Akademiyasının komandaları Dohaya yollanır

“Sumqayıt" Futbol Akademiyasının 11 və 12 yaşadək futbolçulardan ibarət komandaları Qətərin paytaxtı Dohada keçiriləcək beynəlxalq turnirə qatılacaqlar.

Futbolxeber.az saytının klubun feysbuk səhifəsinə istinadən verdiyi məlumata görə, komandaların yarışda iştirakı adı çəkilən ölkənin məşhur "Aspire" Akademiyasının dəvəti ilə gerçəkləşəcək.

Qeyd edək ki, “Sumqayıt”ın nümayəndə heyəti bu gün Qətərə yollanacaq.