DÇ-2023: İlk 1/4 finalçılar müəyyənləşdi

Minifutbol üzrə Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında 1/8 final mərhələsinə start verilir.

Futbolxeber.az saytının məlumatına görə, mərhələnin ilk matçında meydan sahibləri Gürcüstanla üz-üzə gəlib. Qarşılaşma heç-heçə (1:1) yekunlaşdığından qalibi penaltilər müəyyənləşdirib. Burada daha dəqiq olan (3:2) BƏƏ millisi ilk 1/4 finalçı adını qazanıb.

Digər 1/8 final matçında Rumıniya Tailandı darmadağın edib - 7:0.

Beləliklə, 1/4 finalda BƏƏ millisi Rumıniya ilə üz-üzə gələcək.  

Xatırladaq ki, Azərbaycan millisi 1/8 finalda bu gün Portuqaliya ilə qarşılaşacaq. Millimiz qalib gələcəyi halda 1/4 finalda Bolqarıstan - İngiltərə cütünün qalibi ilə üz-üzə gələcək.