Cavid İmamverdiyev azarkeşlərin könlünü almağa çalışdı

 “Simurq” klubu ilə oyunda qələbəyə layiq oyun nümayiş etdirsək, də qol vura bilmədik. Elə təkcə mənim fərqlənmək üçün bir neçə real imkanım oldu. Bu fürsətlərdən yararlana bilməməyimizi azarkeşlər təbii olaraq narazılıqla qarşılayırlar". Futbolxeber.az-ın məlumatına görə, bu sözləri "Neftçi"nin üzvü Cavid İmamverdiyev deyib. Klubun rəsmi saytına danışan İmamverdiyev azarkeşlərin könlünü almağa çalışıb: "Əlbəttə ki, nəticə tələb etmək azarkeşlərin haqqıdır və onlar öz fikirlərini sosial şəbəkələrdə də bildirirlər. Sadəcə oyun sonrası psixoloji gərginlik səbəbindən bir azarkeşlə dialoqum sərt alınmışdı. Elə bu oyunda fərqlənə bilmədiyimə görə özümü hamıdan çox qınayıram. Qoy azarkeşlərimiz bilsin ki, biz futbolu onlar üçün oynayırıq. Azarkeşlərə Avropa Liqası, 3 qat ölkə çempionluğu yaşadan “Neftçi” bunun davamını gətirəcək".