25 Iyun 2024, Çərşənbə axşamı
"Qəbələ"də yeni məşqçi təyinatı
"Şamaxı"da portuqaliyalı qapıçı
Eddi “Neftçi”dən niyə getdi?
"Turan Tovuz"dan yeni transfer

Ölkə futbolu

"İstefa şüarı "Kəpəz"də işləyən bütün məşqçilərə səsləndirilib"

"Danışılası çox şey yoxdur. Səbəb odur ki, evdə məğlubiyyət seriyası davam edir. Təəssüflər olsun ki, artıq 4 matçdır Gəncədə uduzuruq".

Futbolxeber.az saytının məlumatına görə, bu sözləri "Kəpəz"in baş məçqçisi Azər Məmmədov Azərbaycan Premyer Liqasının 8-ci turunda bu gün evdə "Qəbələ"yə uduzduqları oyundan sonra mətbuat konfransında deyib.

O, 0:1 hesablı məğlubiyyəti belə şərh edib: "Açığını desəm, bu görüşə çox yaxşı hazırlaşmışdıq. Uşaqlar əllərindən gələni etdilər ki, məğlub olmayaq. Sadəcə, olmayanda olmur. Bizim üçün 6 xallıq oyun idi. Çalışırdıq ki, ən azından "Qəbələ"yə uduzmayaq".

Baş məşqçi növbəti dəfə azarkeşlərin onu istefaya səsləməsinə də münasibət bildirib:  "Məni, sadəcə məğlubiyyət narahat edir. Çünki həqiqi "Kəpəz" azarkeşləri qələbəyə layiqdir. 4 oyundur olan məğlubiyyəti həqiqi azarkeşlərə yaşatdığımız üçün mən çox narahatam. İstefa şüarı burada işləyən bütün məşqçilərə səsləndirilib. Komandanın rəhbərliyi mənə güvənib. Mən çalışacam ki, etimadı doğruldum. Bu gün sonuncu pilləyə düşdük. Amma bizim gücümüz var. Hər komandada belə periodlar olur. Mən inanıram ki, yaxşı olacaq".

"Kəpəz"in çalışdırıcısı qeyd edib ki, yerli azarkeşlərin təzyiqinə görə evdə oynamaq onlara daha çətindir: "Bizim komanda səfərdə daha rahat oynayır. Bu amilə fikir vermək lazımdır. Azarkeşlərə ehtiyacımız var, düzdür. Mən hər oyun iki təzyiq hiss edirəm. Biri Premyer Liqada komandanı qoruyub-saxlamaq, digəri isə azarkeşlərin təzyiqi. İlk dəqiqə başlayandan azarkeşlər oyuna təsir edir. Bu futbolçulara da pis çox təsir edir. Futbolçular hamsını eşidir, bəziləri hətta qorxur. Hər şeyi azarkeşlərin üstünə atmıram. Amma bunun təsiri çoxdur".

A.Məmmədov elitada qalmaq üçün əllərindən gələni edəcəklərini bildirib:  "Çempionat davam edir. Futbolçulara güvənirəm. Çempionatın sonuna qədər də bu komanda ilə elitada qalmağa səy göstərəcəyik"




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30