Həsənalızadə oynadı, komandası heç-heçə etdi

Türkiyə I liqasında 7-ci turun oyunları davam edir.

Futbolxeber.az saytının məlumatına görə, millimizin müdafiəçisi Bəxtiyar Həsənalızadənin formasını geyindiyi “Tuzlaspor” öz meydanında “Şanlıurfaspor”u qəbul edib. Bəxtiyar meydana start heyətində çıxıb və görüşü əvəz olunmadan keçirib.

Qarşılaşma 1:1 hesabı ilə yekunlaşıb. İlk hissə qonaqların üstünlüyü ilə yekunlaşsa da, fasilədən sonra Nzuzi Matanın penaltidən vurduğu qol Həsənalızadənin komandasına 1 xal qazandırıb.

Qeyd edək ki, xallarının sayını 4-ə çatdıran “Tuzlaspor” 18 komanda arasında 17-ci pillədə qərarlaşıb.