Emin Mahmudov: "Səhərə kimi onu düşündüm”

Azərbaycan millisinin futbolçusu Emin Mahmudov İordaniya ilə yoldaşlıq oyunu öncəsi fikirlərini bildirib.

Futbolxeber.az saytının məlumatına görə, o, mətbuat konfransında deyib:

“Baş məşqçinin də dediyi kimi, oyuna ciddi yanaşırıq. Yoldaşlıq oyunu olsa belə, məqsədimiz oktyabr ayındakı oyunlarda bir-birimizi daha yaxşı başa düşməkdir. Sabah qalib gəlmək istəyirik. Yaxşı komandaya qarşı oynayacağıq. Rəqib sürəlti əks-hücumlar qurmağıı bacarır. Çalışacağıq ki, öz oyunumuzu göstərək”.

Mahmudov Belçika ilə matçda qaçırdığı real qol epizodundan da söz açıb: “Belçika ilə oyunda əldə etdiyim epizod qol olmalı idi. Mənim üçün yaxşı şans idi. Rahat vuracağımı zənn etdim. Rahatlıq məni çaşdırdı. Oyundan sonra səhərə kimi onu düşündüm”.

Qeyd edək ki, sabah keçiriləcək Azərbaycan - İordaniya görüşü saat 20:00-da başlayacaq.