“Zəngəzur”un baş məşqçisi: “Bu adı uca tutmaq üçün var gücümüzlə mübarizə aparacağıq"

“Ötən həftə Azərbaycan futbolunda ağır itki baş verdi. Öncə Şəhriyar Rəhimovun ailəsinə və yaxınlarına başsağlığı verirəm. Komandamızda dəyişikliklər var, yeni futbolçular cəlb edilib”.

Futbolxeber.az saytının məlumatına görə, bu sözləri minifutbol üzrə Avropa kubokunda ölkəmizi təmsil edəcək “Zəngəzur”un baş məşqçisi Əjdər Əjdərov deyib.  

O, qitə kuboklarında ölkəmizi uğurla təmsil etmək üçün əllərindən gələni edəcəklərini bildirib: “Hazırlığa bir qədər gec başlamışıq. Turnirə az vaxtımız qalsa da, hazırlaşmağa çalışırıq. Adımız bəllidir, bu adı uca tutmaq üçün var gücümüzlə mübarizə aparacağıq. Azərbaycan bayrağını dalğalandırmağa çalışacağıq”.