Abbas İbrahim: "Arxayınlaşmağa vaxtımız yoxdur"

"Çox stresli və gərgin bir oyun oldu. Bu da gözlənilən idi. Biz bütün həftə boyu "Sabah"ın necə yaxşı bir komanda olduğu ilə bağlı təhlillər aparmışdıq. Düşünürəm ki, bu oyundan sonra istirahətə vaxt ayırmaq lazım deyil. Növbəti matç barədə düşünməliyik".

Futbolxeber.az saytına müsahibəsində bu sözləri "Zirə"nin yarımmüdafiəçisi Abbas İbrahim deyib.

Nigeriyalı yarımmüdafiəçi ardıcıl 4 qələbəyə baxmayaraq, arxayınlaşmamalı olduqlarını bildirib: "Düşünürəm ki, bu mövsümdən etibarən komanda yoldaşlarımla birlikdə mentalitetimizi daha da dəyişmişik. Çempionluq yarışına qatıla bilərik. Arxayınlaşmağa vaxtımız yoxdur". 

O, növbəti turda "Qəbələ"yə qarşı keçirəcəkləri matçdan da söz açıb: "Əgər rəqibin Konfrans Liqasındakı oyunlarını nəzərə alsaq, asan oyun olduğunu deyə bilmərik. Deyə bilmərik ki, hər hansısa bir oyun bizim üçün asan olacaq. Biz oyundan oyuna daha da inkişaf edirik. Hər bir rəqibə qarşı daha yaxşı hazırlaşmalıyıq. "Qəbələ"yə qarşı xüsusilə yaxşı hazırlaşmalıyıq".

Azad NURİYEV