“Zenit” “Neftçi” ilə oyun üçün Bakıya gəlir

Bir müddət əvvəl Sankt-Peterburqda keçirilən beynəlxalq turnirdə “Neftçi” ilə üz-üzə gələn Rusiyanın “Zenit” klubu yenidən “ağ-qaralar”la qarşılaşmaq istəyir.

Futbolxeber.az saytına müsahibəsində bu barədə “Neftçi”nin prezidenti Fərrux Mahmudov məlumat verib:

“Bu gün “Zenit”dən mənə zəng gəldi. Onlar yenidən bizimlə qarşılaşmaq istəyirlər. Lakin “Zenit” bu dəfə görüşün Bakıda keçirilməsini istəyir, özü də noyabr ayında. Bu barədə baş məşqçimizlə söhbətimiz olacaq. Yekun qərardan Mutudan asılıdı. Əgər hər hansı bir başqa plan olmasa, noyabrda bu qarşılaşma baş tuta bilər”.