Ruan Renato: “Qəbələ”nin belə vəziyyətlə üzləşəcəyini təsəvvür edirdim”

“Bəli, belə vəziyyətin olacağını təsəvvür edirdim. Əksər aparıcı futbolçuların gedişi klubda çətinliklər ortaya çıxarır, yeni oyunçuların adaptasiya məsələsi ortaya çıxır”.

Futbolxeber.az saytına müsahibəsində bu sözləri “Zirə”nin müdafiəçisi Ruan Renato sabiq klubu “Qəbələ”nin cari mövsümə uğursuz start verməsi barədə danışarkən deyib.

Braziliyalı müdafiəçi tezliklə “qırmızı-qaralar”ın sonuncu pillədən qurtulacağına inandığını bildirib:

“İnanıram ki, "Qəbələ" bu situasiyadan xilas olacaq. Futbolçular öz oyun üslubunu tapandan sonra komanda şəklində turnir cədvəlindəki son pillədən yaxa qurtaracaqlar”.

Azad NURİYEV