Sayef: "Sabah"la oyunun ikinci hissəsində diktə edən tərəf biz idik"

"Bu həftə ərzində ard-arda 2 çətin oyun keçirdik. Çox yaxşı təşkilatlanmış və 1 ildən çoxdur eyni heyətdə oynayan komandaya qarşı oynadıq".

Futbolxeber.az saytına müsahibəsində bu sözləri "Neftçi"nin yarımmüdafiəçisi Kenni Sayef Azərbaycan Premyer Liqasının III turunda "Sabah"a qarşı keçirilən oyundan (1:1) sonra deyib.

İsrailli yarəmmüdafiəçi ikinci hissədə üstün tərəf olduqlarını bildirib: "Sabah"la matçın ikinci hissəsində oyuna diktə edən tərəf biz idik. Belə oyunumuz daha yaxşı nəticələr qazanmağa ümid verir".

Sayef komandaya yeni qoşulan futbolçulardan da söz açıb: "Onlara vaxt lazımdır. Belə qısa müddətdə hər şeyi əldə etmək olmur. Oyunçuların, həmçinin baş məşqçinin komandaya uyğunlaşması üçün zamana ehtiyacı var".

"Neftçi"nin aparıcı üzvü yaxşı nəticələr üçün zamana ehtiyac olduğunu bildirib: "Qarşıda uzun bir yol bizi gözləyir. Addım-addım irəliləyəcəyik. İndidən nəsə demək çətindir. Komandada yeni bir heyət qurulur. Yaxşı nəticələrin əldə olunması üçün zamana ehtiyacımız var".