“Neftçi”nin hazırkı oyunu Mutunun qurduğu üslubdur demək düzgün deyil”

“Komandanın içində olmadan oyun tərzinə baxıb nəsə fikir bildirmək olmur. Lakin "Neftçi"nin hazırkı oyunu tam olaraq Mutunun qurduğu üslubdur demək də düzgün deyil”.

Futbolxeber.az saytına müsahibəsində bu sözləri futbol mütəxəssisi Aslan Kərimov “Neftçi”nin hazırkı durumu barədə danışarkən deyib.

Veteran futbolçu qeyd edib ki, “ağ-qaralar”ın yeni baş məşqçisi Adrian Mutunun komandası hücumameyilli futbol sərgiləməyə çalışacaq:  

“Bəzən məşqçillərə öz oyun üslubunu ortaya çıxarmaq üçün illər də bəs etmir. Bu baxımdan Mutunun komandası hücumameyilli oyun nümayiş etdirmək istəyir. Bəzən 4-2-3-1, bəzən 4-4-2 taktiki sxemində oynayır. Daxili çempionatda dominant oyun göstərmək istəyir. Bu da "Neftçi" kimi komanda üçün xarakterikdir. Məşqçinin strateji gedişləri, əks-hücum keyfiyyətləri, müdafiə olunmaq üslubu barədə nəsə demək hələ tezdir”.

Azad NURİYEV