“Jelezniçar” artıq Bakıdadı

"Neftçi"nin Konfrans Liqasının II təsnifat mərhələsində rəqibi olan "Jelezniçar" artıq Bakıdadı.

Futbolxeber.az saytının məlumatına görə, Sarayevo təmsilçisi "Wyndham Garden Baku Hotel"də məskunlaşıb.

Rəqibi matça 3 gün əvvəl gələrək burda hazırlıq keçməyi daha məqsədəuyğun sayıb. Bu, ilk 2 gündə "Neftçi"nin Bakıxanov qəsəbəsindəki bazasında olacaq. Oyunöncəsi son məşq isə görüşün keçiriləcəyi "Bakcell Arena"da baş tutacaq.

Onu da bildirək ki, bu, "Jelezniçar"ın son 2 həftədə ölkəmizə 2-ci səfəridi. Belə ki, Bosniya və Herseqovina klubu I təsnifat mərhələsində keçdiyi Minsk "Dinamo"suyla cavab görüşünə paytaxtımızda - "Azərsun Arena"da çıxmışdı.

Xatırladaq ki, bosniyalılar "Neftçi"ylə ilk matçda evdə 2:2 hesablı bərabərliyə qalıb. Cavab görüşü avqustun 3-də saat 21:00-da "Bakcell Arena"da olacaq.