“Qəbələ”nin yeni transferi “Sabah”a qarşı niyə oynamayıb?

Dünən yoxlama oyununda “Sabah”la üz-üzə gələn “Qəbələ”nin heyətində meydana yeni transferlərdən yalnız Ahmed Ayzaya çıxmışdı. Son günlər komandaya qoşulan Lukas Afriko və Osama Xalailanın görüşdə iştirak etməməsi anlaşılan olsa da, Ayzaya kimi bir müddətdir heyətə cəlb olunan Zurab Oçiqavanın sabiq klubuna qarşı oynamaması sual doğurur.

Futbolxeber.az saytına açıqlamasında “Qəbələ”nin baş məşqçisi Elmar Baxşıyev məsələyə aydınlıq gətirib. Mütəxəssis qeyd edib ki, ukraynalı futbolçu hazırda zədəsini bərpa edir:

“Zurab Oçiqava “Sabah”ın heyətində çıxış edərkən əməliyyat olunmuşdu. Ona görə də hazırda zədəsini müalicə edir. Oçiqavanın nə vaxt hazır olacağı hələ bilinmir. Eləcə də Konfrans Liqasında “Omoniya” ilə görüşdə iştirak edib-etməyəcəyi məlum deyil”.

Qeyd edək ki, Zurab Oçiqava “Qəbələ” ilə 2 illik müqavilə imzalayıb.

Futbolxeber.az-ın teleqram kanalına abunə olun