“Turan Tovuz” nigeriyalı hücumçu transfer etdi

Martin Petkovun ardınca “Turan Tovuz” daha bir hücumçu transfer edib.

Futbolxeber.az saytına bu haqda Tovuz klubunun baş məşqçisi Ayxan Abbasov məlumat verib.

O bildirib ki, artıq komandanın düşərgəsində olan Otto Con da heyətə cəlb olunub. Nigeriyalı hücumçu ilə rəsmi müqavilə imzalanıb.

Qeyd edək ki, 25 yaşlı Otto Con karyerasına vətənində “36 Lion FC”da başlayıb. 2015-ci ildə “Skenderbeu”ya transfer olunan nigeriyalı forvard Albaniya təmsilçisində debüt etmədən 3 illik Kosovonun “Trepça89” klubuna icarəyə verilib. Burada meydana çıxdığı 67 oyunda 43 qol vuran Otto sonradan “Skenderbue”ya qayıdıb. Albaniya təmsilçisinn heyətində 43 matçda 6 dəfə fərqlənən forvard 2020-ci ildə yenidən Kosovoya, bu dəfə “Priştina”ya qayıdıb (19 oyun, 13 qol). Ölkəmizə gələni kimi isə onun karyerasında son klub digər Kosovo təmsilçisi “Dukagjini” olub. “Turan Tovuz”un yeni transferi bu klubunda heyətində 30 matçda 9 qol vurub.

Futbolxeber.az-ın teleqram kanalına abunə olun