“Neftçi”də iş düzgün getmir, komanda keçənilki kimi yenə gecikir”

“Neftçi” mənə doğma klubdu. 10 il futbolçu kimi, 5 il də məşqçi kimi bu komandaya xidmət etmişəm. Şükürlər olsun ki, “Neftçi”dən ayrılanda da üzüağ ayrılmışam, istər futbolçu, istərsə də məşqçi kimi. “Neftçi”nin uğur qazanmasında töhfəm olduğu üçün qürur duyuram”.

Futbolxeber.az saytına müsahibəsində bu sözləri “Neftçi”nin sabiq futbolçusu və məşqçisi Bəxtiyar Musayev deyib.

O, komandanın hazırkı durumunun heç də ürəkaçan olmadığını bildirib: “Neftçi”nin uğrusuz çıxış adama təsir edir. Təbii ki, bundan məşqçi amilinin də rolu var, səhv futbolçu seçinin də. “Neftçi” kuboku qazanmağa borclu idi. “Qəbələ”nin əziyyətini yerə vurmaq fikrindən uzağam. Lakin finaldakı rəqib “Neftçi”yə tam uyğun idi. Nə “Qarabağ” idi, nə də “Sabah”. Görünən odur ki, işlər düzgün getmir. Komanda yenə eyni səhvləri təkrarlayır. Ötənilki kimi yenə də gecikirlər. Komanda məşqlərə başlayıb, amma baş məşqçi yoxdu. Halbuki indiki məqamda transferlər edilməli, yeni mövsümün hazırlıqları görülməlidi. Komanda Sankt-Peterburqa turnirə getməlidi. Amma hələ nə baş məşqçi var, nə də yeni transfer. Tezliklə bütün suallara cavab tapılmalıdı. Ümid edirəm ki, ən qısa zamanda normal komanda qurular, uğurlu nəticələr qazanar, biz də baxıb sevinərik”.

Futbolxeber.az-ın teleqram kanalına abunə olun