“Turan Tovuz” braziliyalı hücumçuyla anlaşdı

“Turan Tovuz”un yay transfer pəncərəsi zamanı heyətinə qatdığı daha bir futbolçunun kimliyinə aydınlıq gəlib.

Futbolxeber.az saytının Sport24.az-a istinadən verdiyi məlumata görə, Tovuz təmsilçisi braziliyalı hücumçu Paçu ilə razılığa gəlib.

27 yaşlı futbolçu artıq Azərbaycandadı və onunla 2 illik müqavilə imzalanıb.

Paçunun sonuncu iş yeri Portuqaliyanın “Trofense” klubu olub. O, 2021-ci ildən formasını geyindiyi bu klubdan azad agent kimi ayrılıb. Belə ki, tərəflər arasındakı müqavilənin müddəti bu ayın sonu bitir.

Paçu daha öncə “Botafoqo”, “Qonsalense”, “Santa-Krus”, “Boavişta”, “Atibayya”, “Atletiko Paranaense”, “Çianorte” kimi klublarda da forma geyinib.

Futbolxeber.az-ın teleqram kanalına abunə olun