“Rasim Rəfiyevin dövründə "Neftçi"də çıxış edənlər Azərbaycan futbolunun əfsanələri idi"

“Çox gözəl tədbirdi. Belə gözəl yubiley tədbirini təşkil etdikləri üçün həm AFFA-ya, həm də “Neftçi” klubuna təşəkkürümü bildirirəm. Bu qədər veteranın Rasim Rəfiyevi yad etmək üçün yığışması mənə də çox xoşdu. Düşünürəm ki, hamı üçün yaxşı fürsətdi - həm Rasim Rəfiyevi yad etmək, həm də veteranların bir araya gəlib futbol oynaması üçün. Maraqlı yoldaşlıq görüşümüz olacaq”.

Futbolxeber.az saytına açıqlamasında bu sözləri “Sumqayıt”ın prezidenti Riad Rəfiyev atası, “Neftçi”nin sabiq rəhbərlərindən biri, 1994-1999-cu illər ərzində klubun əsas sponsoru olmuş mərhum Rasim Rəfiyevin 75 illik yubileyini münasibəti ilə təşkil olunan tədbir barədə danışarkən deyib.

O, 90-cı illərin “Neftçi”sində dövrün ən yaxşı futbolçularının cəmləşdiyini qeyd edib: “Həmin dövrün “Neftçi”sində çıxış edənlər o dövrün qaymaqları, bu günün isə Azərbaycan futbolunun əfsanələridi. 90-cı illər idi, çox maraqlı vaxtlar idi. Hər şey yadımdadı. Çoxlu maraqlı əhvalatlar olub. Amma hamısını danışmağa vaxt çatmaz. Həmin komanda ilə, o dövrlə bağlı çox xoş xatirələrim var. O günləri heç vaxt unutmayacam”. 

Futbolxeber.az-ın teleqram kanalına abunə olun