“Qarabağ” favorit olsa da, mərhələ adlamaq asan başa gəlməyəcək” - AÇIQLAMA

Milli komandamızın məşqçisi Arif Əsədov “Qarabağ”ın UEFA Çempionlar Liqasının I təsnifat mərhələsindəki şanslarını dəyərləndirib.

Futbolxeber.az saytına açıqlamasında təcrübəli mütəxəssis qeyd edib ki, Ağdam təmsilçisi “Linkoln”dan üstün olsa da, arxayınlaşmaq olmaz:

“Qarabağ” rəqibindən səviyyəcə üstündü. Amma arxayınlaşmaq olmaz. Çünki kiçik ölkələrin klubları da son illər inkişaf edirlər. Hətta səhv eləmirəmsə, “Linkoln” bir dəfə yoxlama oyununda təmsilçimizə qalib gəlib. Ona görə də rəqibə ciddi yanaşmaq lazımdı. Təbii ki, cütün favoriti “Qarabağ”dı. Lakin mərhələ adlamaq asanlıqla başa gəlməyəcək. Üstəlik, unutmayaq ki, avrokubokların ilk mərhələləri həmişə “Qarabağ” üçün çətin keçir. Mövsümün əvvəlində komanda ideal formasından uzaq olur. Ağdam klubu yavaş-yavaş, mərhələdən mərhələyə relsə düşür. Bütün bunlara baxmayaraq, inanırıq ki, “Qarabağ” əvvəlki illərdə olduğu kimi, yenə də qitə kuboklarında inamlı çıxışı ilə hər birimizi sevindirəcək”.

Futbolxeber.az-ın teleqram kanalına abunə olun