“Sumqayıt” Yalovada: “International Maxwell Cup”ın ilk günündə 2 qələbə, 1 heç-heçə

Türkiyənin Yalova şəhərində “International Maxwell Cup” beynəlxalq turnirinə start verilib.

Futbolxeber.az saytının məlumatına görə, “Sumqayıt” FK-nın U-11 və U-14 komandaları ilk oyun günündə kifayət qədər uğurlu nəticələrlə yadda qalıb.

Belə ki, əvvəlcə meydana U-11 komandası çıxıb. Elşad Eyvazovun yetirmələri ilk qarşılaşmada “Rize Arhavi Gençlik ve Spor” komandasını 8:0, ikinci qarşılaşmada isə “Hisareyn Spor”u 3:0 hesabı ilə məğlub edib.

Daha sonra U-14 komandası ilk oyununa çıxıb. Zahir Əsgərzadənin yetirmələri “Magfa” SK ilə 1:1 hesablı heç-heçə əldə edib.

Qeyd edək ki, “International Maxwell Cup” turnirinin qrup mərhələsinə bu gün baş tutacaq oyunlarla yekun vurulacaq. Sonuncu - üçüncü yarış günündə isə mükafatçılar müəyyənləşəcək.

Futbolxeber.az-ın teleqram kanalına abunə olun